…… ابو وردة ……
********************
شالوا الحبل …. ربطوا الحبل
جابو البدلة ….. وزفة وطبل
حطوا الوردة …. جوة العروة
وسع يالا انت وهو
البيه جي البيه جوه
انفخ صدرك …. وارفع كتفك
علي الاااااااه علشان. تملك
قولي بجد مصدق نفسك! !!!!
شايف نفسك … هو دا اسمك !!!!!
ياللي خدعت الكل برسمك
راسم وش الطيبة الخيبة
وانت العقل باينه مخصماك
قول مش عارف
قول مقدرش
كلمة حق مش معرفش
هي غمامة ولا عمامة
غطوك بيها ولا تعرفش
ياللي اداك ربك ودنين
ومخ يفكر ليك وعنين
لاغي دا كله علشان مين!!!
ماشي ومنتش عارف فين
ولا دا طريقك ….ولا بيرك
تشرب تغرق فيه…. ياحزين
شالوا الحبل …. ربطوا الحبل
جابوا البدلة ….وزفة وطيل
لو عارفين جابوا مين
كانوا قالوا
من دا بكرة بقرشين
#Zhret-Sbah

 بواسطة Zhret El Sbah