….. الحرافيش …..
******************
عالم شقيانة وتعبانة
علي لقمة عييييش
الفرشة دي ناشفة والهدمة خيش
وفتوة حتتهم دا سقيهم
من الذل كاسات ..وبرضه مفيش
هو ورجالته بيحوموا خفافيش
بيمصوا دم الغلبان سكر وتحشيش
ويجي في الزفة يهلل
اسم الله عليه ..اسم الله عليه! !!!!!!
هي اتاوه وهيدفعها من حب عنيه
بايع كل اللي وراه
او حتي يدفعها ضناه
او من شرفه وحماه
وبرضه بيغني وراه
اسم الله عليه …اسم الله عليه
ياكل قلبك ويهادي بيه … اسم الله عليه
ينهش لحمك وتراضيه … اسم الله عليه
واليوم جي تغني اييه .. جي تغني ( قالوا ايه)
جي تتريق …جي تتمهزق!!!!!!
علي حماك ورفع راسك
م الذل المعجون فيه! !!!!!
عارف حقه قالوا اييه:
قالوا دمانا ري حمانا
قالوا ابوك ..قالوا اخوك
قالوا عمك …وشرف امك دا هافديه
قالوا امانك …قالوا مالك واجب وهاقوم بيه
قالوا دي أمانة
وهي أمانة هو يموت وانت تعريه!!!!
تاكل لحمه وتغمس فيه!!!!
لا وكمان بتغني عليه! !!!!
ياحرفوش منك ليه
قولي عينيك دلوقت…. بتغمض ليه؟
قولي ولدك مين اللي حاميه؟
عارف حقه مين اللي حاميه
اللي انت بتغني عليه
قالوا ايه قالوا ايه
عارف حقه حقك ايه؟
اسم الله عليه …اسم الله عليه
#Zhret-Sbah

 بواسطة Zhret El Sbah