…. السبعاوية ….
******
الست السبعاوية
مدام راجل تمام
الست السبعاوية
حصان من غير لجام
لسانها سابق كيانها
وصوتها ولا الصدام
الست السبعاوية في وسط الناس
تاج صفيح بيلمع مش تاج ماس
علي راس صاحبنا سيد الناس
الست السبعاوية لسانها يسم
وصوت فحيحها عالي مافيه ندم
علي اللي اتغم
ولا اللي اتسم
ولا بيهمها مين فيها يذم
سي السيد قولي
راح فين زئيرك
صوته اتكتم! !!!
راح فين الجبروت
واوامر ماتفوت
وكلمتك السيف
في الرقاب تشوط
راحت فين الهيبة
والله بقت عيبة….
تبقي انت موجود وكأنك مش موجود
ولا صورتك في عينها يبقي ليها وجود
راح فين الاحترام
ولا باينه نام
السبعاوية عيبة …..عليك في زمن الشيبة
دي وصمة في جبينك …صدقني تشينك
تخرم اي عين ….وتقول يامسكين
دي ي السبعاويةباين …سانالوه السكاكين
سي السيد اسمعها مني
حقيقة مش يغني
الراجل هو الميزان
حبه حب وحنية….
وموده وشده شوية
زي أيام زمان
الراجل مش بنوعه
ولا خروجه وطلوعه
وصوت تخين يصم
ووشنب ودقن تغم
الراجل بالمواقف
يبقي هو الربان
يوصل يالسفينه
لبر الامان
مش لمكانه يسيب
ويقول ماانا تعبان
#Zhret-Sbah

 بواسطة Zhret El Sbah