….. نقطة ومن اول السطر …….
…………………..
ست سنين عدوا علينا
يالا اوام ع المدرسه
هدوم جديدة وشنطة
وكراسة وصحبة كويسة
دق يا جرس نادي طابور
صفا انتباه ومفيش مرور
و تحيا مصر ونقول ونقول
…….نقطة ومن اول السطر
يالا ياعم الرياسة
بلا قلم بلا كراسة
دااحنا اللي بدعنا الحماسة
يالا شوف البيه اللي جاي
ال جاي يعلم ال ايه مالوش زي
انت مين يااخينا
يالا اخرج بقي وهويا
هتضيع علينا
حبة الانس اللي فينا
وتقولنا فتح ونصب
وكام سم طول القصبه
وازاي مساحه العزبه
وحافظ كام كلمة انجليزي
هاهاها جود باي يا عزيزي
……….نقطة ومن اول السطر
وسع وسع منك ليه
فيها عركة وكله فيه
فيها الحته القرن غرال
في السنجه عال العال
فيها كمان حته جنزير
ولا حديد في النار بيسيل
فيها الواد الجن شقاوة
يضرب يخبط ماله غلاوه
فيها الكل مالوه قيمه
طول ماهو ساكت ولا عزيمة
طول ماهو شارب قله قيمة
طول ما هو قرشه مالي كرشه
عمره مايقدر يوم مايخشوا
………..نقطة ومن اول السطر
الحكاية مبقتش حكاية
واحد +واحد كام
ولا حسبه خضار
عبدالواحد دا بكام
ولا عقوق الابن الجاحد يتلام
ولا دا حلال ولا دا حرام
هي حكاية جيل وعويل
يخجل منه حتي ابو ديل
هي حكاية اخلاق ضاعت
تاهت دابت ويا الليل
هي حكاية ام
وكانت مدرسة
تسقي ولادها معني حقيقي
لكلمة مدرسة
وتقول فيها كل معلم
نبراس ومؤسسة
كان ياماكان
راح في خبر كان
والقعدة منصوبة
والطاسة مهيسة
……..نقطة وخلص السطر
#Zhret-Sbah

 بواسطة Zhret El Sbah